ကဗျာဟု ပြောလိုက်တာနှင့် ဖတ်ချင်တဲ့ စိတ်တွေတဖွားဖွားဖြစ်ပေါ်ရသည်က စာရေးသူအကျင့်ပါ..။ စာရေးသူရေးသမျှ ကိုယ်ပိုင်ကဗျာတွေကို သူများတွေ ဖတ်ပြီး ဝေဖန်ရင်လည်း ကျေနပ်သည်..။ ထို့ထက် (တခြားလူ) သူငယ်ချင်းများနှင့် ကဗျာဆရာ တွေ ရေးထားသော ကဗျာလေးတွေကို ဖတ်ပြီး ခံစားရတာက ပိုပြီိးအရသာတွေ့လှသည်..။ ကဗျာလေးတွေကို တပုဒ်လုံးမဟုတ်ရင်တောင်မှ ကဗျာမှာ ပါဝင်နေတဲ့ စာသားလှလှလေးတွေကို အလွတ်ရအောင် ဖတ်ဖြစ်သည် အထိ ၀ါသနာပြင်းပြခဲ့တာတော့အမှန်ပါ..။ မြန်မာဆန်ဆန်ကဗျာ အပြင် အခြားခြားသောကဗျာလေးတွေကိုလည်း စာရေးသူ ဖတ်ရရေးရတာ ၀ါသနာပါသည်..။
မြန်မာကဗျာအလင်္ကာတွေ လေ့လာရာတွင်လည်း ရှေးယခင်ကတည်းက ကဗျာအတိုအထွာလေးတွေ ရေးခဲ့တာတွေ ဖတ်မှတ်ဖူးသည်..။(ဥပမာအားဖြင့်- ပုဂံခေတ်ကဗျာဖြစ်သည့် မြကန်သာ ကဲ့သို့သော ကဗျာတိုလေးမျိုးပင်ဖြစ်သည်..။) ကဗျာထဲမှာမှ အခုနောက်ပိုင်း (၃)ကြောင်းတည်းနှင့် လိုရင်းအဓိပ္ပာယ်ကို ထိမိအောင်ရေးတဲ့ကဗျာလေးတွေ တွေ့လာရသည်..။ (၃)ကြောင်းစပ်ကဗျာတွေကို ဖန်တီးရာတွင် သံပေါက်ကဗျာစပ်နည်းဖြစ်သည့် “အစလေးလုံး..အလယ်သုံး..အဆုံး ငါး ခုနစ်” ပုံစံနှင့်ရေးကြတာကို တွေ့ရသည်..။
ဥပမာ..
"
ပုဇွန်လည်းတူး
ငါးမနူး
ချစ်ဦးချက်၍ မြိန်လှသည် "
"
ဖက်ပေါ်ဆူးကျ
ဖက်မှာမပေါက်
ဆူးသာကောက်၏ "ကဲ့သို့သော ကဗျာပုံစံနှင့်လည်းကောင်း၊
စသဖြင့် မြန်မာကဗျာတိုတိုလေးတွေဖတ်မှတ်ဖူးသည်..။ ကဗျာလေးတွေက ရိုးစင်းပြီး ထိထိမိမိ နှင့် အဓိပ္ပာယ်ပေါ်လွင်လှသည်ကို တွေ့ရသည်..။
အခုနောက်ပိုင်းတွင် လူငယ်ကဗျာချစ်သူတွေအကြား ရောက်ရှိလာတဲ့ ကဗျာကတော့ ဟိုက်ကု (Haiku)(၃)ကြောင်းကဗျာ စပ်တဲ့ နည်းလေးပါပဲ..။ စာရေးသူ အရင်က မြန်မာမှုပြု ဟိုက်ကုကဗျာဆိုတာကို မသိရိုး အမှန်ပါ..။ ဟိုက်ကု ..ဟိုက်ကုနှင့် ဘာပြောမှန်းလည်း နားမလည်ခဲ့ပါ..။ နောက်မှ ဂျာနယ်ကျော်မမလေး၏ သွေး ၀တ္တုထဲမှာတကြိမ်..၊ ၂၀၀၁ ခုနှစ် ဇွန်လ ၁၃ ရက်မှာရေးသားသော စစ်အတွင်းက ကွဲသွားသော သူငယ်ချင်းများပြန်ဆုံတဲ့နေ့ ဆိုတဲ့ မောင်ချောနွယ်ကဗျာတွင်တကြိမ် ဖတ်ရမှ ဂျပန်ကဗျာရေးနည်းမှန်းသိလေသည်ပေါ့..။
ဤကဗျာများသည် ဂျပန်တွင် အေဒီ ၁၃ ရာစု မှာ
ဟိုက်ကာအိ (Haikai) လို့ သမုတ်ခဲ့ကြသောကဗျာများပင်ဖြစ်သည်..။ ၁၉ရာစု နှောင်းပိုင်းလောက်မှာ ဂျပန်ကဗျာဆရာ
မာဆာအိုကာ ရှီကီ Masaoka Shiki က အစောပိုင်း hokku အခေါ် haiku ဟူ၍ သတ်မှတ်ခေါ်တွင်ခဲ့သည်..။
ယခုအခါတွင်ဟိုက်ကု (Haiku or hokku) လို့ ကျော်ကြားပေသည်..။
ဂျပန်လူမျိုးတို့သည် ရှေးယခင်ကတည်းကမှစ၍ ရာသီအလိုက်၊ ရာသီပွင့်ပန်းများအလိုက်၊ ရာသီပွဲတော်များအလိုက် ဟိုက်ကုကဗျာကို ခံစားမှုပေါ်မူတည်ပြီး ရေးစပ်ခဲ့ကြသည်..။ ထိုအပြင် လိုရင်းတိုရှင်းနှင့် တစိမ့်စိမ့်တွေး တရေးရေး ခံစားနိုင်သော ကဗျာဖြစ်သည်မို့ ၄င်းကဗျာစပ်နည်းလည်း နိုင်ငံအနှံ့ ဆန့်ပျံနိုင်ခဲ့သည်မဟုတ်လော..။
ဟိုက်ကု ကဗျာ ဖတ်သူအတွက်မှာလည်း စာဖတ်သူရဲ့ အတွေ့အကြုံ အကြားအမြင် ခံစားမှု သို့မဟုတ် ခံစားခြင်း (ဝေဒနာ) သို့မဟုတ် (ဝေဒနာမှ လွတ်မြောက်မှု) အစရှိတဲ့ နက်နဲတဲ့ ဂမ္ဘီရ သဘောကို ဆောင်ပါတယ်။ ဂျပန် ဟိုက်ကု ကဗျာတွေဟာ ဂျပန်ရိုးရာ ကဗျာတွေ ဖြစ်ပေတဲ့ ဇင်ဗုဒ္ဓ၀ါဒနဲ့လည်း ပတ်သက်ဆက်နွှယ်သည်။ ဟိုက်ကု ကဗျာတွေကို အေဒီ ၁၃ ရာစုလောက်မှာ စပြီး ရေးကတယ်လို့ ဆိုပါတယ်။
ဟိုက်ကု ကဗျာတွေဟာ သင်္ကေတ ရုပ်ပုံ သဘောတရား (Hieroglyphs) က တစ်ဆင့် လက်ရေးလှပညာ (Calligraphy) ကို ကူးပြောင်းသည်..။ ထို(Calligraphy) က တစ်ဆင့် သင်္ကေတ အရုပ်စာ (Ideogram) ကို တည်ဆောက်သည်..။ (Ideogram ဟာ အနှစ်ထုတ် သဘော (Abstract Concept) ကို ဖော်ပြနိုင်ပြီး ထိုမှတဆင့် သဘောတရားကနေ ကဗျာရေးခြင်းကို ကူးပြောင်း ဖော်ထုတ်သည့်အခါ စာပိုဒ် (Phrase) တစ်ပိုဒ်နဲ့ တစ်ပိုဒ် ခွဲခြားသည်။ထိုစာပိုဒ် (စာကြောင်း) တွေကို ဆက်စပ်လိုက်တဲ့အခါ စာပိုဒ်စာကြောင်း (ကဗျာ) ထဲမှာ လုံးဝ မပါတဲ့ အဓိပ္ပာယ်သစ်၊ အနက်သစ် တစ်ခုကို စဉ်းစားယူနိုင်ပေသည်..။
ကဗျာစပ်ရာတွင် အသံယူပုံစနစ်ကိုသာ အသုံးပြုသည်..။ ပထမတစ်ကြောင်း ကို ၅သံ(စာလုံးရေ ငါးလုံး)၊ ဒုတိယအကြောင်းကို ၇သံ (စာလုံးရေ ခုနစ်လုံး)၊နှင့် တတိယ အကြောင်းကို အသံ ၅သံ( စာလုံးရေငါးလုံး) နှင့် စုစုပေါင်း အသံ ၁၇သံဖြင့် ရေးစပ်ရခြင်းမျိုးဖြစ်ပေသည်..။ ၅ -၇-၅ အသံဖြင့် သီဆိုရသော ကဗျာတိုလေးဖြစ်ပေသည်..။
ဂျပန်မှာ လူကြိုက်များဆုံး ဖြစ်သော ဟိုက်ကုကဗျာလေးတွေကို ရေးနည်းနှင့် တကွ ဖော်ပြပါအံ့..။
Bashō'ရေးသားခဲ့သော "old pond" ကဗျာလေးပါ..။စာရေးသူ အနီးစပ်ဆုံး မြန်မာမှုပြုရေးသားဖော်ပြလိုက်ပါသည်..။လေ့လာကြည့်စို့ရဲ့…..။
ဂျပန်လို - 古池や 蛙飛込む 水の音
( furuike ya kawazu tobikomu mizu no oto)
fu-ru-i-ke ya (5)
ka-wa-zu to-bi-ko-mu (7)
mi-zu no o-to (5)
အင်္ဂလိပ်လို- old pond . . .
a frog leaps in
water’s sound
မြန်မာလို- "ရေကန်လေးအနား..
ဖားကလေးက ခုန်ပေါက်သွား..
ရေစီးသံလေးလား။"
နောက်ထပ်တပုဒ်ရှိပါသေးသည်..။Bashō' ရေးခဲ့သော ကဗျာလေးပါပဲ..။
ဂျပန်လို - 富士の風や 扇にのせて 江戸土産
( fuji no kaze ya ōgi ni nosete Edo miyage)
အင်္ဂလိပ်လို - the wind of Mt. Fuji
I've brought on my fan!
a gift from Edo
မြန်မာလို - " လေပြေဖူဂျီတောင်..
ငါယူခဲ့တဲ့ ငါ့ယပ်တောင်..
အဲဒိုရဲ့လက်ဆောင်……။"
ဒီလောက်ဆိုရင် -
ဟိုက်ကု(Haiku) ကဗျာလေးတွေနှင့် ပတ်သက်ပြီး ကဗျာချစ်သူတို့လည်း တီးမိ ခေါက်မိ ရှိလောက်ပြီထင်ပါရဲ့..။ စာရေးသူတို့ ဟိုက်ကု ကဗျာလေးတွေကို မြန်မာမှုပြု ရေးဖွဲ့နေကြသလို မြန်မာသံပေါက်ကဗျာတိုလေးတွေကိုလည်း ကမ္ဘာအထိ ခြေဆန့်ဖို့လည်း လိုနေပြီထင်ပါသည်..။ ကဲ..(အမှားပါရင်လည်း ပြင်ဖတ်ပေါ့နော်..။ ဆက်လက်ပြီး မြန်မာမှုပြု ဟိုက်ကုကဗျာ ခေါင်းစဉ်အောက်မှာ ကဗျာတိုလေးတွေ ဆက်လက်ရေးကြပါစို့ရဲ့..။
ရွှမ်းသိင်္ဃ(တနင်္သာရီ) (၂၈-၃-၂၀၁၁)
