ပန်းပျိုးသူရဲ့ ဒဏ္ဍာရီ

ကိုယ့်ပျိုး ကိုယ်စိုက်

ကိုယ်စိတ်ကြိုက်

ကိုယ်ထိုက် ကိုယ်ဖန်

ကိုယ် မပန်လည်း

သဏ္ဍာန် သွင်ဆန်း

အကြင်ပန်းကား

ပွင့်လန်း ဝေသော်

မိုးကိုမျှော်လင့်

မိုးမြင့်တက်ရုံ

ကိုယ့်ရင်အုံကို

ခြေစုံတွန်းကန်

ဒဏ်ရာကျန်အောင်

အတန်တန် ဖျက်ခြွေ

ကိုယ့်အသည်းမြေကို

တော်လှန်လိုသည်။

ကိုယ်စိုက် ကိုယ့်ပန်း

ကိုယ်မနမ်းရက်လည်း

ပင်ထက် ရော်ရင့်

နေခြည်သင့်၍

လေပြေဆင့်က

ပွင့်ဖတ် ဆွတ်ကြေ

တစ်စစီခြွေမှ

နောင်တ တစ်လှေ

မျက်ရည်ဝေလျက်

ကိုယ့်အသည်းမြေမှာ

(တဖန်)ကြွေခ ရှာသည်။

ကိုယ်ပျိုး ကိုယ်စိုက်

ကိုယ်စိတ်ကြိုက်

ကိုယ်ထိုက် ကိုယ်ဖန်

ကိုယ် မပန်လည်း

ပင်ယံနေနေ

ကိုယ်မခြွေခဲ့

ပင်အောက်ရောက်ရောက် 

ကိုယ်မကောက်ချင်လည်း

အသင်ကြွေပန်း မြေထက်လမ်းမှာ

လှမ်းဆင့် နင်းချေ

မဖြစ်စေဖို့

ကောက်ငင် ရေဆေး 

သိမ်းထားပေးသည်

မွှေးရနံ့ ဝေေ၀ .. မဝေေ၀

ကိုယ့်အသည်းမြေမှာ 

(အစဉ်) အိပ်စက်စေသတည်း..။

 ရွှမ်းသိင်္ဃ (တနင်္သာရီ)

(၂၇-၅-၂၀၁၃)

ညောင်ခြေရင်း ရေစင်ခင်းချိန်

လုမ္ပနီ ရွှေအင်ကြင်း

ထုံကြည်ကြည် မြေတခွင်သင်းပါဘိ

ပြည့် ရနံ့ အဆင်း
မွှေးဖြာ ပျံ့ပျံ့သင်း။

 မြေကမ္ဘာ သာသနာလင်း

ဝေေ၀ဆာ သေချာ အမှောင်ခွင်းဖို့
ဗောဓိညောင်ခြေရင်း  
သွန်းဖြာ ရေစင်ခင်း။

ရွှမ်းသိင်္ဃ (တနင်္သာရီ)

(၂၄-၅-၂၀၁၃)

                    

     (ကဆုန်လပြည့် ဗုဒ္ဓနေ့ အမှတ်တရ)

နှစ်ဆန်း ပွင့်ပန်း

ငုဝါငယ် ရွှေအင်ကြင်း

မြေသင်းရနံ့ ဖယောင်းဝါစီ

ပြာညီညီ ကြောင်မြီးပန်းနှင့်

ကျီးကန်းဆီ ပင်ကပ်စွဲ

ထပ်ထပ်တွဲ လက်တံရှည်

လက်ပံပွင့်က နီ။

ပန်းကံ့ကော် ပွင့်ဖြူ သခွတ်

ကညွတ် မြေဇာ စကားဝါပန်း

သပြေပါလန်း သက်ကယ်စီ။ 

နှစ်လွှာညီ 

စွယ်တော်ပန်းရယ်နှင့်

အပြာ အနီ စိန်ပန်းပွင့်ပေါက်

တစ်နှစ်တစ်ခေါက် ပိတောက်ဝါလျှမ်းကြရင်

တို့ရွှေမြန်မြေနန်းမှာဖြင့်

ချစ်စရာ နှစ်သစ်ဆန်း….။

ရွှမ်းသိင်္ဃ (တနင်္သာရီ)

(၁၇-၄-၂၀၁၃)

(နှစ်ဆန်းတစ်ရက်နေ့ အမှတ်တရ)

ပျိုနှင်းဆီသို့….

တဒင်္ဂတွင်း

ရင်ဝကိုခွင်းလို့

ချက်ချင်းစူးနစ်ဝင်

ဆူးတစ်- မြင်လည်း

ချစ်ချင်မိတယ်.. ပျိုနှင်းဆီ…။

ပန်းချီတောင် လက်မှိုင်ရှုံး

အနီရောင် ပြစ်ဒဏ်ထုံးနှင့်

အမုန်းတွေပဲ ဖယ်သုံးလို့

အပြုံးငယ် ခြယ်မှုန်းလိုက်ရင်

နင်သာ အလှဆုံးပါ .. ပျိုနှင်းဆီ..။

အို ..အပျိုနှင်းဆီ..

တဒင်္ဂတွင်း

ရင်လွှာကိုထွင်း

အသက်ပါခင်းလို့

ကိုယ့်ကိုယ်တွင်းမှသည်

ယိုဆင်းသွေးစက်

မြေလွှာထက်သို့

သက်ဆင်းသည့်တိုင်

မပျက်ယွင်း မေတ္တာ

ချစ်မြဲ ချစ်နေဦးမှာပါ…ပျိုနှင်းဆီ...။

ရွှမ်းသိင်္ဃ (တနင်္သာရီ)

(၂၄-၄-၂၀၁၃)

ဂိမာန်နွေ ..သင်္ကြန်ရေ... မြန်မြေစိမ်းလန်း

ဂိမာန်နွေ သင်္ကြန်ရေ မြန်မြေစိမ်းလန်း

မာန်ဖြေသိန်းသန်း အေးချမ်းစွာ၊

ရန်ပြေငြိမ်းချမ်း ဘေးမသမ်းပါ၊

လန်းဖြာ ကျန်းမာ ပန်းပမာသို့၊

ဝမ်းသာ ကမ်းလာ မြန်းမကြာတွဲ၊

နှစ်ဖြာလက် မကွာယှက် ခိုင်မြဲ၊

ကမ္ဘာပျက်တိုင် မယိုင်မလဲ။

မပွင့် တပွင့်  ပိတောက်ပွင့်ချိန်

ပင်ဆင့် ပင်ရင့် ပင်မြင့်ခက်နွယ်

တင့်တင့်တယ်တယ် မြူးစုံဝင့်လို့

ဖူးငုံလင့် စုပုံဆင့် ပွင့်စီခြယ်။
 

ပြည်တကျော့ ညီညွတ်ခြင်းရယ်က

အဆင်းကြွယ် သတင်းမယ် ပန်းနှယ်သို့မှန်း

လှမ်းရွယ်စို့ ရွှေပြည်ထောင်

အဆွေ ညီနောင်တို့ရေ

ကမ္ဘာမြေ တလျှောက်မှာဖြင့်

(တို့မြန်မာမျိုးဂုဏ်ရယ်..)

ညွန်းမလောက် ထွန်းတောက်တင့်လျှမ်း။

ရွှမ်းသိင်္ဃ (တနင်္သာရီ)

(၁၄-၄-၂၀၁၃)

(သင်္ကြန်အကျနေ့ အမှတ်တရ)