သီတင်းကျွတ်ချိန်

အထက်ဝဠာ၊လမင်းသာပြီ

ယှက်ဖြာဆီမီး၊ထွန်းညှိပြီးရင်

ကြီးမြတ်ကော်ရော်၊ပူဇော်ကန်တော့မည့်

ဝါကင်းလွတ်သည့်၊

သီတင်းကျွတ်ချိန် ရောက်ခဲ့ပြီ..။

သစ်သီးရယ်စုံ၊ မုန့်စုပုံပြီး

ထုံကြည်သွန်းဖြန့်၊မေတ္တာဓာတ်ဖြင့်

လေးမြတ် ရင်မှာ၊ ဂါရ၀ချီ

ဆရာမိဘ၊ လေးစားသမျှကို

ကုသိုလ်ရဖို့၊ကန်တော့ကြပြီး

အပြစ်ဟူသမျှ ၊ကျေပါစေကြောင်း

ဆုမွန်တောင်းသည်၊

ကောင်းမြတ်စဉ်လာ တစ်ရပ်တည်း..။

  

     ရွှမ်းသိင်္ဃ(တနင်္သာရီ)

     ( ၁၉-၁၀-၂၀၁၃) 

ခေါသရပ်မုန့်

 













ကောက်ငချိတ် မြေပဲလောင်းလို့
အုန်းနို့ဆောင်း ကျိုရအောင် ။
ရွှေခဲရောင် ဓနိ သကြားဆမ်း
နှမ်းဖတ်ကယ် ဖျန်း။
ကြံသကာ အနှစ်အခဲရယ်သို့
မှန်စွာ တသက်စွဲရအောင်
မာန်ပါပါ အားပျိုးလို့
တအားထိုး ကော် ဗျတ် ခွဲထုတ်
ကျုပ်တို့.. ခေါသရပ်ပွဲမုန့်။

ရွှမ်းသိင်္ဃ(တနင်္သာရီ)
(၂၂-၉-၂၀၁၃)
(ခေါသရပ်အကြိုနေ့ အမှတ်တရ)

~~ မျှော်ရင်းတမ်းတ ခေါတရပ်ည~~

နေခြည်သွန်းခ၊တော်သလင်းတည့်

မျှော်ရင်းတမ်းတ၊ခေါတရပ်ညကို

မှန်းဆမြင်ယောင်၊ လွမ်းရိပ်ဆောင်လျှင်

တောင်စဉ်ဝန်းရံ၊မြစ်ပေါင်းခြံပြီး

ပန်းမာန်ထုံစီ၊သင်းဖြာကြည်သည့်

တနင်္သာရီသို့၊ရည်ရွှယ်မျှော်မှန်း၊

(ကျွန်ုပ် )ရွှမ်း ..လွမ်းသည်…။

တိမ်မြူသက်ဆင်း၊ တော်သလင်းတည့်

ကောက်ညှင်းငချိတ်၊ ခွဲကာကြိတ်၍

နှစ်အိတ်တစ်မူ၊ ကောက်ဖြူယူကာ

ရေဆူအောင်လုပ်၊ရောကာပြုတ်ပြီး

ထုတ်ထားသီးသပ်၊မီးမရပ်ခင်

အထပ်ထပ်ထိုး၊အုန်းနို့အိုးကို

ဆင့်တိုးလောင်းထား၊ ဆားသကြားနှင့်

ထိုးသားကျက်ရင်၊မြေပဲဆင်၍

အမြင်မှာလှ၊ အနံ့ရသော်

ပေါ်က နှမ်းဖြူး၊ အုန်းကြော်လူးရင်

တင့်ထူးရသာ၊ရနံ့ကယ်ဖြာလျက်

မယ်မယ်ထိုးလုပ်၊ခေါတရပ်မုန့်ကို

ဖက်ထုပ်ငယ်တွေး၊ အဆွေးပြေရုံ

တလုတ်ကယ် လွေးလိုက်ချင်သည်..။

ဖူးပွင့်ထုံ တောအထပ် အလှရယ် မှန်းပါလို့
ထူးတင့်စုံ  ခေါတရပ်ညငယ်ကို လွမ်းလှချည်လေး..။

ရွှမ်းသိင်္ဃ (တနင်္သာရီ)

(၂၀-၉-၂၀၁၃)

(တော်သလင်းလပြည့်ကျော် ၄ရက်နေ့မှာ ကျရောက်မယ့် တနင်္သာရီ ခေါတရပ်ပွဲကို  ကြိုဆို ဂုဏ်ပြုသည်)

လမြတ်တော်သလင်း

ပန်းဝတ်လွှာ ယင်းမာတို့

သင်းဖြာတဲ့  အခါမီ

တိမ်မိုးငယ်စီ

နေခြည်ငယ်ဖြာ မြူခြေလျော့ဆင်း

ရေကြည်ဝယ်သာ ပူဝေသွတ်သွင်း

မြစ်တွင်းမယ် လှေတော်ငယ်ခင်း

လမြတ်တော်သလင်း..။

ရွှမ်းသိင်္ဃ (တနင်္သာရီ)

(၁၉-၉-၂၀၁၃)

(တော်သလင်းလပြည့်နေ့ အမှတ်တရ)

နှစ်သစ်ဧည့်သည်

ဧည့်သည်လာမယ်တဲ့

ချစ်စရာအကောင်းဆုံးနှင့်

လက်ရာ အကောင်းဆုံး ချက်ထားတယ်..။

အသိဟောင်း အတွက်မို့

ငါးပိထောင်းတစ်ခွက် တော့ သုပ်ထားတယ်..။

အကြော်အလှော် အရွက်ကယ်နှင့်

ငါးကြော်လည်း အချဉ်ချက်ထားတယ်..။

သုံးထပ်ကယ် ၀က်သားရယ်နှင့်

ကြက်သားမှာ မျှစ်ချဉ်ရောပါလို့

လက်ဖျားခါ ချက်ချင်ဇောရယ်က

ပေါများလှ သပြန်…။

ဧည့်လာရင် ရွှမ်းဆရာ ပျော်ရပြီမို့

ဧည့်ပြန်ရင်ဖြင့် ရွှမ်းဆရာအဖို့မှာ

လွမ်းစရာများရယ်ကျန်…..။

ရွှမ်းသိင်္ဃ (တနင်္သာရီ)

(၆-၁-၂၀၁၃)

ခတ္တာအနမ်းနှင့် ၀ါခေါင်အလွမ်း

သိဟ်လရာသီ၊ အခါမီဖို့

ပွင့်စည်ဝေလန်း၊ ထူးတင့်လျှမ်းသည့်

မြတ်ပန်းခတ္တာ၊ ရနံ့ဖြာချိန်

ဌာနီသို့မှန်း၊ မျှော်ကာလွမ်းသည်.. လွမ်းမိပြီ..။

မိုးပြိုမယောင်၊ တိမ်မည်းမှောင်၍

မြောက်တောင်ပစ်ခွင်း၊ လျှပ်တွေထွင်းလျှင်

ရင်တွင်း တိမ်တောင်၊ လွမ်းမိုးဆောင်ပြီ

ဝါခေါင်မိုးဖျန်း၊ မြန်ပြည်လွမ်းသည်… လွမ်းမိပြီ..။

နယ်ရှစ်ခွင်လှည့်၊ သပြေသီးမှည့်ချိန်

ရေကြီးချိန်မို့၊ လှေစီးရင်းသာ

ပျော်ကြီးပျော်ကြ၊ ငယ်ဘ၀ကို

တမ်းတမြင်ယောင်၊ လွမ်းရိပ်ဆောင်လျှင်

ဝါခေါင်ပွင့်လန်း၊ ခတ္တာပန်းနှင့်

ဆင်မြန်းကေသာ၊ ဆံနွယ်လွှာမှာ

အပ်ကာ ပါးဘက်၊ ဖြာယှက် အနမ်း

ကျွန်ုပ် ထပ်လွမ်းသည်..လွမ်းမိပြီ…။

    ရွှမ်းသိင်္ဃ (တနင်္သာရီ)

        (၂၀-၈-၂၀၁၃)

(၀ါခေါင်လ အမှတ်တရ)

ပန်းခတ္တာနှင့် လ၀ါခေါင်

ခတ္တာပန်း ပွင့်လန်းတော့

သစ်ဆန်းလို့ ထိုးထိုးထောင်

မိုးလ ၀ါခေါင်

တိမ်လွှာစီလို့ ထူးပုံတင့်ဆန်း

သိဟ်ရာသီမို့ ဖူးစုံ ပွင့်လျှမ်း

မေတ္တာရေ တပေါက်ဆမ်းလျှင်

ကျွန်းလုံးပတ် လွမ်း…။

   ရွှမ်းသိင်္ဃ (တနင်္သာရီ)

        (၂၀-၈-၂၀၁၃)

   ( ၀ါခေါင်လ အမှတ်တရ)