နှစ်၆၀ပြည့် စစ်တက္ကသိုလ်သို့.. (ဂုဏ်ပြုကဗျာ)

အို..အမေ

သက်ရွယ်ရော်ရင့်၊ အလင်းဝင့်၍

တစ်ပွင့် နှစ်ပွင့်၊

ကြယ်စုံတင့်စေခဲ့သူ..။

အို အမေ

ရင်ခွင်ရိပ်အောက်၊ ခိုဝင်ရောက်က

ထွန်းတောက်ရောင်လက်၊

အလင်းဆက်စေသူ…။

အို..အမေ

ပြည်တွက်ကာကွယ်၊ အပြုံးကြွယ်လျက်

ရည်ရွယ်ချက်ကောင်း၊

ပြည့်သားကောင်းတွေ မွေးခဲ့သူ..။

အို..အမေ

နှစ်၆၀ရောက်၊အပြုံးမပျောက်

တစ်ထောက်မနား၊

 ပြည့်အင်အားတွက် အသင့်ရှိသူ..။

အို..အမေ

ဘယ်လောက်ပင်အိုလည်း

သားတို့အတွက်ဆို

အစဉ်နုပျို၍

တမ်းတစိတ်ပို

လွမ်းရိပ်ခိုလျှင်

မေ့ကို ဦးညွတ်

သားကန်တော့သည်

“အမေ ထာဝရ ပျော်ပါစေ..”

“အမေ ထာဝရ တည်ပါစေ.။”

     ရွှမ်းသိင်္ဃ(တနင်္သာရီ)
        (၁-၈-၂၀၁၄)
(စစ်တက္ကသိုလ်ကျောင်းဆင်း သွေးချင်း စစ်သည် ဂါဒီယမ် ညီနောင်များနှင့် နှစ်၆၀ပြည့် စစ်တက္ကသိုလ်သို့ အမှတ်တရ-ဂုဏ်ပြုသည်။)

ဝါ၀င်ရင်ဖြင့်

ဝါ၀င်ရင်ဖြင့်

အာကာပြင်မှာ

တိမ်စဉ်တွေ အမဲဆင်ဖုံး

မိုးလုံးပတ်ချုန်း..။

ဝါ၀င်ရင်ဖြင့်

ယာခွင်ဝင်လို့

ပျိုးပင်တွေ ပြင်ဆင်သုံး

စိမ်းရောင်ခြယ်မှုန်း..။

ဝါ၀င်ရင်ဖြင့်

ရွာပြင်မှာ ရေကြီး

တူယှဉ်ပြိုင် လှေတွေစီး

ခူးဆွတ် သပြေသီး…။

ဝါ၀င်ရင်ဖြင့်

ရွာစဉ်မှာ အလှူမစဲ

ခြိမ့်ခြိမ့်သဲ ဆိုင်းဗုံတီး

ထမင်းရေ ချောင်းစီး..။

    ရွှမ်းသိင်္ဃ(တနင်္သာရီ)

    (၁၁-၇-၂၀၁၄)

   (၀ါဆိုလပြည့်နေ့ အမှတ်တရ ကဗျာ)

နယုန်လ သင်္ကေတများ

မိုးပေါက်ငယ်သေး၊ လေပြေသွေး၍

စံပယ်ဖြူဖွေး၊ မြက်သားမွေးသည်

ဖွေးသည်လေ့ - မွေးသည်လေ့။

 နွေနှောင်းနွေကုန်၊လနယုန်မို့

ရဂုံစိမ်းလန်း၊ပွင့်စုံဆန်းပြီ

လန်းသည်လေ့- ဆန်းသည်လေ့။

မိုးထက်အာကာ၊ ကြယ်ဇေဌာနှင့်

တိမ်လွှာလွှမ်းစွင့်၊ စန္ဒာ တင့်သည်

စွင့်သည်လေ့- တင့်သည်လေ့။

ရာသီမေထုန်၊ လနယုန်ဝယ်

သင်းထုံဖြန့်ခင်း၊ရနံ့ထင်း၍

သစ်မင်းဝါးရုံ၊ မြတ်လေးခြုံလျက်

ဖူးငုံပွင့်အန်၊ ပန်းစုံရံချိန်

စာပြန်တော်ကျင်း၊ တူပြိုင်ခင်းသည်

ကျင်းသည်လေ့- ခင်းသည်လေ့။

     ရွှမ်းသိင်္ဃ (တနင်္သာရီ)

     (နယုန်လပြည့်နေ့အမှတ်တရ)

        (၁၂-၅-၂၀၁၄)

သစ်လွင်နေဆဲ အဖေ့အပြုံး

ဇရာကို အန်တုလို့

မာန်ပြုလျက် အဖေ။

မိသားစုဘ၀အတွက်ဆို

ချွေးစက်တွေနှင့် ပေးဆက်

အပြုံးမပျက်တဲ့ အဖေ…။

သားသမီးအတွက်ဆို

အဖေ့လက်တွေ ကြမ်းပါစေ

အနမ်းပွင့်ခြွေလို့

လမ်းဖွင့်ပေးတဲ့ အဖေ..။

အခုအချိန်ထိ..

ဆံဖြူသွားကျိုး
မလျော့ မရိုး

ချစ်တွေတိုးလို့

ချစ်နေမြဲလေ …ချစ်ဆဲ အဖေ..။

 
ကမ္ဘာပျက်သုဉ်း

မိုးမြေဆုံးလည်း

သားနှလုံးသားဝယ်

အပြုံးတကာ့အပြုံး..
အဖေ့ပြုံးသည်သာ

အလှဆုံးမို့

ချစ်ထုံးမပြယ်ချင်

အစဉ်သစ်လွင်လို့

ချစ်ပင်မြဲဝေ ချစ်မြဲအဖေ..။

               ရွှမ်းသိင်္ဃ(တနင်္သာရီ)
(၂၀၁၄-ဇွန်လ ၁၅ရက် အဖေများနေ့ကို ကြိုဆို ဂုဏ်ပြုသည်..။)
ကျနော်ချစ်သော အဖ နှင့်အတူ ကမ္ဘာမှာရှိသော အဖေများအားလုံး ကာယစိတ္တ သုခနှစ်ဖြာ ပြီးပြည့်စုံပြီး နိဗာန်ကို မျက်မှောက်ပြု နိုင်မယ့် တရားထူး တရားမြတ်များကို ရှာဖွေသိရှိပြီး ဘ၀တွေ ချမ်းမြေ့ ပျော်ရွှင်ကြပါစေ...။)

 အဖေသီချင်း (ထူးအိမ်သင်)

 

လရောင် အနမ်း

တနယ်ဆီခြား 
ဝေးကွာငြားလည်း 
စကားသက်သေ 
လွမ်းတွေစေ၍ 
ချစ်တွေလည်းဝေ 
အနမ်းခြွေလျက်
 “ရွှေလ”တမန်၊ 
ကြားက ခံကာ
 တရံတခါ၊
ငါ နင့်လွမ်းရင် 
လရောင်ကို မှန်း နမ်းလိုက်မှာ..။ 
တရံတခါ၊
နင် ငါလွမ်းရင် 
လရောင်ကို လှမ်း နမ်းလိုက်ပါ..။

 ရွှမ်းသိင်္ဃ(တနင်္သာရီ)
 (၂၀-၅-၂၀၁၄)
 

ကဆုန် ဖူးစာ

ဆေးသားရောင်စုံ

တိမ်ရောင်မှုန် ခြယ်သလို့

အလှပေါင်း စုပြုံ..။

နွေရက်ကယ်ကြုံ

အင်ကြင်းငုံ လန်းဖြာလို့

သင်းပျံ့ပျံ့မွှေးထုံ။

"ဖွား" "ပွင့်" " ဟော" "စံ" ပုံ

စိတ်အာရုံ ရည်မှန်းစို့

လမြတ်ငယ် ကဆုန်။

တစ်နှစ်မှာ ကြုံ

မေတ္တာခြုံ  သူနှင့်ဆုံသမို့

ရွှေရင်ဆတ်ဆတ်ခုန်..။

သာသနာမှာ ကြုံ

ကဆုန်မှာ ရင်ခုန်ရသမို့

အတူဆုံ ဂဟေဆက်ဖို့

အပူဘုံ လေသက်ပါစေ

ရာသီမပျက် ပါရမီစွက်လို့

ဆယ်သက်မက ချစ်တွေမြဲ

ကမ်း ရွှေလက်တွဲ..။

  ရွှမ်းသိင်္ဃ(တနင်္သာရီ)

  (ကဆုန်လ ကဗျာ)

  (၂၀-၅-၂၀၁၄) 

နွေအလွမ်း

ပန်းပွင့်ခိုင် မေဘယ်လ်တို့
ဧပရယ်မို့ ဖူးပွင့်ချီ
ရွက်နုငယ်စည်
ချယ်ရီပန်းတွေ ပြည်ထောင်တင့်လျှမ်း
တနယ်စီစခန်းမြေ ဒီမောင်ဖြင့် မှန်း
ကွက်ဆန်းငယ် နွေလေဆမ်းရင်
(ကျွန်ုပ် ရွှမ်းမှာလေဗျ..)
အလွမ်းစိတ်ငယ် ကြမ်း…။

ရွှမ်းသိင်္ဃ(တနင်္သာရီ)
(၂၆-၄-၂၀၁၄)

(မော်စကို မြေ နွေဦး အမှတ်တရ)