နှလုံးသားရဲ့ တောင်းဆိုမှု

 နှလုံးသားချင်းသိ
အသည်းချင်းထိမှ
ရင်ခုန်မိတာပါ
အတင်းဆွဲ ငြိထားတဲ့ ကာရန် မဟုတ်..။

ကြင်နာလည်းပါ
ရင်ကလာ၍
အချစ်သွေးဖြာတာ
အတင်း ကာလာ ဆွဲခြယ်ထားတဲ့ ပန်းချီမဟုတ်..။

ရင်လွှာချင်းယှက်
ကြင်နာဖက်လျက်
မပျက်တသက်
အချစ်စစ်နှင့်
အသည်းနစ်အောင်
ချစ်ချင်တာက
ကဗျာ မဟုတ်
စာ မဟုတ်
ပန်းချီမဟုတ်
နှလုံးသား ရဲ့ တောင်းဆိုမှုသက်သက်ပါ..။

ရွှမ်းသိင်္ဃ (တနင်္သာရီ)
(၂၆-၆-၂၀၁၃)

နယုန်ဆန်းချိန်

နွေနှောင်းငယ် ရက်ကုန်
မိုးပုလဲပန်း ပွင့်စုံပြီ
ရနံ့ငယ် ကြည်ထုံသင်း
လမြတ်ငယ် နယုန်ခင်း။
ရဂုံတွင်းမှာလ
မာလာငုံ ရွက်လွှာလန်း
ယှက်ဖြာဆန်း ဖူးပွင့်ပုံ
ထူးတင့်ရုံ စံပယ် မြတ်လေးရယ်နှင့်
မပြတ် မွှေး  သင်းပျံ့ကြူကြူ
လေယူမှာ ညှာတံစိမ်းငယ်က
တောလုံးပတ်ယိမ်း...။

ရွှမ်းသိင်္ဃ (တနင်္သာရီ)
(၂၃-၆-၂၀၁၃)
(နယုန်လပြည့် အမှတ်တရ)