ရွှေပြည်မျှော်မှန်း ပိုလွမ်းသည့်လ

မြူမှုန်ငွေနှင်း
ဖြန့်ကာခင်း၍
သဇင်ပန်းမင်း ပွင့်လန်းတဲ့ လ...။

ဆောင်းလရာသီ
အခါမီသမို့
နှင်းရည်ပက်ဖျန်း ချမ်းသည့်လ..။

အနေထားအရ
ရေမြေခြားနေလည်း
ဆောင်းလေဆွတ်ဖျန်း
နှင်းပန်းပွင့်ချိန်
သဇင်ပွင့်ချိန်မို့
ပင်ယံမှာတင့်
အလှတွေဆင့်ကြ
သည်လ သည်မွန်
လနတ်တော်ဝယ်
ရွှေပြည်မျှော်မှန်း ပိုလွမ်းသည့်လ..။

    ရွှမ်းသိင်္ဃ(တနင်္သာရီ)
    (၂၀-၁၂-၂၀၁၃)
 (နတ်တော်လ အမှတ်တရ ကဗျာ)

 

~~ ပြည့်အားအင်သစ် အပတ်စဉ် ၅၂ ~~ (ချစ်ညီငယ် ဗိုလ်ကြီးများအတွက် ဂုဏ်ပြုကဗျာ)

 ရွှေဘုန်းရယ်တင့်ပါလို့

 ပုခုံးထက်မှာက

သုံးပွင့်ကြယ် လှစီခြယ်..။

ဘ၀င်မှာ ပျော်မဆုံးပြီမို့

အစဉ်သာပြုံး ကြိုဆီးမိပါရဲ့

ဗိုလ်ကြီးအဖြစ် ငါ့ညီငယ်..။

အမှန်တကယ် အသက်နှင်းပါလို့

ရန်အစွယ် စစ်ခွင်းကာပ

ချစ်ခြင်းဖွဲ့ အမုန်းများဖယ်..။

ပြည်ထောင်ပြု စိမ်းလန်းဖြာဖို့

ညီနောင်တစ်စု ငြိမ်းချမ်းစွာဖြင့်

ညီညာကာ ပြည်သာယာရေးကိုလ

တွေးမျှော်လျက် အမြဲယှက်ရွယ်

တွဲလက်ငယ်အစဉ် ဆက်ပါလို့

ခင်မပျက် မြန်ပြေ တနံတလျားမှာဖြင့်

ရွှေကြယ်စင် နေတနှုန်းအလား

ပခုံးဝယ် ကျရာဝန်တာ ထမ်းပါလို့

အပြုံးမပျက် ရန်မာန်တားကြတဲ့

ပြည့်ချစ်သားပင် စစ်မှန်သမို့

ပြည့်တွက်အားအင်သစ် ဖြစ်ရန်ရည်ရွယ်

(ချစ်ညီငယ် ငါးဆယ့်နှစ်တို့ရေ)

နှလုံးသားမှာဖြင့် ပြည့်ကာကွယ်လို့

(ပြည်မြန်မာအတွက်လေ) အပြုံးများစွာလည်း…သယ်…။

                  ရွှမ်းသိင်္ဃ(တနင်္သာရီ)

                     (၁၁-၁၂-၂၀၁၃)

( ၁၁-၁၂-၂၀၁၃တွင် ရာထူးတစ်ဆင့်တိုးမြှင့်ခဲ့သော ကျနော်၏ ဂါဒီယမ် ချစ်ညီငယ် ၂ယောက်နှင့်အတူ အပတ်စဉ် ၅၂ကျောင်းဆင်း ညီငယ်ဗိုလ်ကြီးများသို့ ဤကဗျာဖြင့် ကြိုဆိုဂုဏ်ပြုပါသည်..။ ပြည်သူက မွေးဖွား၊ ပြည်သူ့သားမို့၊ပြည်သူကချစ်၊ ပြည်လည်းချစ်ပြီး ပြည့်အင်အားဖြစ်၊ ပြည်သူချစ်သော တပ်မတော်သားပီသစွာ ပြည့်အကျိုးကို ကျရာကဏ္ဍမှာ အရင်ကထက် ပိုမိုပြီး ထမ်းရွက်နိုင်ပါစေ…။ ရာထူးအဆင့်ဆင့် မြင့်တက် ၊စိတ်ဓာတ်ခွန်အား ရင့်ကျက်ပြီး တာဝန်ကျေသည်ဆိုသော စကားလုံးထက်ပိုသော ကောင်းမြတ်သည့် စေတနာ၊ဇွဲ၊လုံ့လများစွာဖြင့် နိုင်ငံ့နှင့် လူမျိုး အကျိုး၊ဘာသာ သာသနာအကျိုးကို သည်ထက်မက သယ်ပိုးထမ်းဆောင်နိုင်သော သားကောင်းရတနာလေးတွေ ဖြစ်ပါစေကြောင်း ဆန္ဒပြု ဆုတောင်းပေးပါတယ်..။ချစ်ညီငယ်တို့ ဘေးဘယာ ဝေးကွာ ကျန်းမာ ရွှင်လန်းကာ လိုရာဆန္ဒအားလုံး ပြည့်ဝပါစေ..။)

~~ ရွှေမြန်မာတို့ရဲ့ ရွှေရောင်အောင်ပွဲ (ကဗျာ)~~

ရောင်နီဖြာ ယှက်ကာနမ်း၊

ရစ်လွှာသမ်း ရနံ့ အဆင်းစုံ၊

(ထက်ကမ္ဘာဝှမ်းမှာဖြင့်)

 ပျံ့သင်းထုံ စမြဲ..။

မေတ္တာပန်းငယ်နှင့် ချစ်သွေးကြွယ်၊

နှစ်လေးဆယ်ကြာမှ ကံကြုံလာ၊

ပြန်ဆုံတစ်ခါ ရွှေမြန်မာတို့ပွဲ။

အာဆီယံ ၁၁ပြည်ထောင်ချစ်ခြင်းရယ်နှင့်၊

ညီနောင် လက်များဖြင့် ယှက်ကာနွှဲ၊

တို့Sea-games အားကစားပွဲ..။

                                                

ရွှေမြန်မာတို့ရဲ့ အလံ၊

ရွှေမြန်မာတို့ရဲ့ အသံ၊

ရွှေမြန်မာတို့ရဲ့ လက်ခုပ်သံ၊

ရွှေမြန်မာတို့ရဲ့အားမာန်ဖြင့်၊

ဘ၀ဂ်လျှံ လွှင့်ပျံ စေမယ့်

ရွှေမြန်မာတို့ရဲ့ ရွှေရောင်အောင်ပွဲ ။

ရွှမ်းသိင်္ဃ(တနင်္သာရီ)

(၁၁-၁၂-၂၀၁၃)

27th SEA Games – (Myanmar 2013 ) အားကစားပွဲကို ဤကဗျာဖြင့် ကြိုဆို ဂုဏ်ပြုသည်။

  ရွှေမြန်မာတို့ ရွှေတံဆိပ်တွေ အကုန်သိမ်းပိုက် အောင်ပွဲခံနိုင်ပါစေ..။

 

အပြုံးယှဉ်ပြိုင် လတန်ဆောင်တိုင်

မြူမှုန်ငယ်ခ၊ဆောင်းဝင်ညနှင့်

လှပစုံညီ၊နက္ခတ်စည်ချိန်

ကြည်လင်ပျံ့ခင်း၊တိမ်မှောင်ရှင်းပြီး

သက်ဆင်းနှင်းဆမ်း၊ ခ၀ဲပန်းနှင့်

ပွင့်လန်းထုံကြည်၊မယ်ဇလီပွင့်ကာ

ရာသီလည်းတင့်၊ ရနံ့လွှင့်၍

ထပ်ဆင့် ခြယ်မှုန်း၊ လတန်ဆောင်မုန်း။

အလှူရေစက်၊ မကွာမပျက်

သွန်းဆက်လက်မြတ်၊ ကုသိုလ်ထပ်ဖို့

ထင်ဟပ်မေတ္တာ၊မြတ်စေတနာဖြင့်

သဒ္ဒါစိတ်ရင်း၊ ကထိန်ခင်းကြ၊

ဝေမျှဒါန၊ ပျော်ရွှင်ကြသည်

ဆီမီးလည်းမြိုင်၊ရနံ့လှိုင်၍

သင်းကြိုင်ပျံ့ဖုံး၊အလှဆုံးမို့

အပြုံးယှဉ်ပြိုင်၊ လတန်ဆောင်တိုင်…။

    ရွှမ်းသိင်္ဃ(တနင်္သာရီ)

     (၁၇-၁၁-၂၀၁၃) 

  (တန်ဆောင်းမုန်းလ အမှတ်တရ)

သည်ဝါကျွတ်ရင်ဖြင့်

အတင်းတကယ် တကျော့ကျော့
သတင်းကြွယ် လွတ်နေကြတဲ့
(အရပ်ထဲမှာလေ...)
အဖျင်းကွယ် ရွတ်ခဲ့သမျှ
အခုတော့..သီတင်းလည်း ကျွတ်လေပြီ...။

တစ်ပူ နှစ်ပူ ဆင့်လာသမျှ
(တူ တူမတွေ အလယ်မှာလေ)
ကလူ ကမြူ ဖြစ်ပျက်ခဲ့ရပြီ..။
ရက်လနှစ်တွေ ရှိပါစေတော့
တစ်သက်မက ချစ်တစ်လှေဝေလို့
လှစ်ဟ ချစ်ဂဟေ ဆက်စို့ကွဲ့
အပြစ်ခြွေလျက် ချစ်ပိုမို
ကျူထိုထို တဲစုတ်ထဲ လုံးထပ် နေရ နေရ
တူနှစ်ကိုယ် ပဲပြုတ်ဆွဲ သုံးနပ် စားရ စားရ
လူပျို အပျို  ဘ၀ ဒုက္ခပွဲကိုလေ အဆုံးသတ်ချင်ပြီ..။

လောကီရေးရာ အဖြာဖြာမှာဖြင့်
တောမှီတွေးကာ ဘာဝနာကိုလည်း
အခါခါ သတိချပ်မိပြန်တော့
တဏှာ တဏှာ အရှိ တတ်သိရင်
စာ ကဗျာ မငြိ ပြတ်မိပါလိမ့်
ကပ်ငြိ အချစ်ဇောငယ်က
တစ်သက်မှာ တခါ ကျော့မော့လာသမို့
မပျက်စွာ ဒီဝါ ကျွတ်မှာတော့
အပြစ်ဖဲ့ တစ်ယောက်စကားရယ်ကြောင့်
အချစ်မဲ့ ဖောက်ပြား မတွေးဘဲ
(လူကွယ်ရင်လေ)
လစ်ခဲ့.... နှစ်ယောက်သား မဝေးရအောင်
အချစ်တွေ ပိုတိုးပေးဖို့
ခိုးပြေးစို့လေး...။

   ရွှမ်းသိင်္ဃ (တနင်္သာရီ)
    (၂၇-၁၀-၂၀၁၃)
 (ကဗျာချစ်သူ လူပျိုကြီး အပျိုကြီးများအတွက် ၀ါကျွတ်ဟာသကဗျာ)

သီတင်းကျွတ်ချိန်

အထက်ဝဠာ၊လမင်းသာပြီ

ယှက်ဖြာဆီမီး၊ထွန်းညှိပြီးရင်

ကြီးမြတ်ကော်ရော်၊ပူဇော်ကန်တော့မည့်

ဝါကင်းလွတ်သည့်၊

သီတင်းကျွတ်ချိန် ရောက်ခဲ့ပြီ..။

သစ်သီးရယ်စုံ၊ မုန့်စုပုံပြီး

ထုံကြည်သွန်းဖြန့်၊မေတ္တာဓာတ်ဖြင့်

လေးမြတ် ရင်မှာ၊ ဂါရ၀ချီ

ဆရာမိဘ၊ လေးစားသမျှကို

ကုသိုလ်ရဖို့၊ကန်တော့ကြပြီး

အပြစ်ဟူသမျှ ၊ကျေပါစေကြောင်း

ဆုမွန်တောင်းသည်၊

ကောင်းမြတ်စဉ်လာ တစ်ရပ်တည်း..။

  

     ရွှမ်းသိင်္ဃ(တနင်္သာရီ)

     ( ၁၉-၁၀-၂၀၁၃) 

ခေါသရပ်မုန့်

 













ကောက်ငချိတ် မြေပဲလောင်းလို့
အုန်းနို့ဆောင်း ကျိုရအောင် ။
ရွှေခဲရောင် ဓနိ သကြားဆမ်း
နှမ်းဖတ်ကယ် ဖျန်း။
ကြံသကာ အနှစ်အခဲရယ်သို့
မှန်စွာ တသက်စွဲရအောင်
မာန်ပါပါ အားပျိုးလို့
တအားထိုး ကော် ဗျတ် ခွဲထုတ်
ကျုပ်တို့.. ခေါသရပ်ပွဲမုန့်။

ရွှမ်းသိင်္ဃ(တနင်္သာရီ)
(၂၂-၉-၂၀၁၃)
(ခေါသရပ်အကြိုနေ့ အမှတ်တရ)

~~ မျှော်ရင်းတမ်းတ ခေါတရပ်ည~~

နေခြည်သွန်းခ၊တော်သလင်းတည့်

မျှော်ရင်းတမ်းတ၊ခေါတရပ်ညကို

မှန်းဆမြင်ယောင်၊ လွမ်းရိပ်ဆောင်လျှင်

တောင်စဉ်ဝန်းရံ၊မြစ်ပေါင်းခြံပြီး

ပန်းမာန်ထုံစီ၊သင်းဖြာကြည်သည့်

တနင်္သာရီသို့၊ရည်ရွှယ်မျှော်မှန်း၊

(ကျွန်ုပ် )ရွှမ်း ..လွမ်းသည်…။

တိမ်မြူသက်ဆင်း၊ တော်သလင်းတည့်

ကောက်ညှင်းငချိတ်၊ ခွဲကာကြိတ်၍

နှစ်အိတ်တစ်မူ၊ ကောက်ဖြူယူကာ

ရေဆူအောင်လုပ်၊ရောကာပြုတ်ပြီး

ထုတ်ထားသီးသပ်၊မီးမရပ်ခင်

အထပ်ထပ်ထိုး၊အုန်းနို့အိုးကို

ဆင့်တိုးလောင်းထား၊ ဆားသကြားနှင့်

ထိုးသားကျက်ရင်၊မြေပဲဆင်၍

အမြင်မှာလှ၊ အနံ့ရသော်

ပေါ်က နှမ်းဖြူး၊ အုန်းကြော်လူးရင်

တင့်ထူးရသာ၊ရနံ့ကယ်ဖြာလျက်

မယ်မယ်ထိုးလုပ်၊ခေါတရပ်မုန့်ကို

ဖက်ထုပ်ငယ်တွေး၊ အဆွေးပြေရုံ

တလုတ်ကယ် လွေးလိုက်ချင်သည်..။

ဖူးပွင့်ထုံ တောအထပ် အလှရယ် မှန်းပါလို့
ထူးတင့်စုံ  ခေါတရပ်ညငယ်ကို လွမ်းလှချည်လေး..။

ရွှမ်းသိင်္ဃ (တနင်္သာရီ)

(၂၀-၉-၂၀၁၃)

(တော်သလင်းလပြည့်ကျော် ၄ရက်နေ့မှာ ကျရောက်မယ့် တနင်္သာရီ ခေါတရပ်ပွဲကို  ကြိုဆို ဂုဏ်ပြုသည်)