ကလေးကဗျာမြစ်ထဲစီးမျော-ရွက်လွှင့်ခြင်း

ယနေ့အထိရှင်သန်နေထိုင်ရာနေ့ရက်များတွင် ကဗျာဟာ- စာရေးသူအတွက် မရှိမဖြစ် သစ္စာရှိသော သူငယ်ချင်းတယောက်လို့ တင်စားလျှင် မှားမည်မထင်ပါ။ ပျော်ရွှင်သည့်အချိန်-လွမ်းမောသည့်အချိန်-ရှူံးနိမ့်သည့်အချိန်-အောင်မြင်သည့်အချိန်-စသဖြင့် စာရေးသူနှင့်အတူ ယှဉ်တွဲနေတာက-ကဗျာပါပဲ…။ကဗျာဆန်တဲ့စိတ်ကူးစိတ်သန်းလေးတွေ လက်ဆောင်ထည့်ပေးလိုက်သော-အရာရာကို ရင်ဆိုင် ခံစားတတ်သောနှလုံးသားကိုလက်ဆောင်ပေးလိုက်တဲ့ အဖေနှင့်အမေကို အထူးကျေးဇူးတင်နေမိတာတော့အမှန်ပဲ။
ငယ်ငယ်ကဆိုရင် ကဗျာဆိုရင် -ဆရာမင်းသုဝဏ်ရဲ့ ကဗျာလေးတွေ ဖတ်ရင်း ပျော်ခဲ့ဖူးသည်။ခလေးကဗျာလေးတွေထဲ တခါတခေါက်လောက် စီးမျောကြည့်ရအောင်လားဗျ..။
စာရေးသူ-ငယ်ငယ်ကရွတ်ဆိုခဲ့ဖူးသောကဗျာလေးတွေအများကြီးရှိပါရဲ့..။
အမေဆွမ်းချက်ထတဲ့အချိန်-“ဆွမ်းချက်ထစို့ လူလေးရယ်…နာရီကြည့်ပါကွယ်-အာရုဏ်လင်းကြက် ..တွန်သံကျူး-ကြည့်ဖို့လိုပါဘူး။။။”-အချိန်ပြကဗျာလေးရယ်…။
နံနက်စောစောထရင် အမေကဆွမ်းချက် -အဖေက ဘုရားဝတ်ပြု-စာရေးသူက မမများနှင့်အတူ အိမ်သန့်ရှင်းရေး လုပ်-ရေခပ်-ပန်းခူးစသဖြင့် ကိုယ်စီအလုပ်တာဝန်ယူကြတာပေါ့…။
“မောင်လေးရေ..ထပါတော့
ရောင်နီလာလှပေါ့
တကျော့နှစ်ကျော့တေးကိုသီ
ငှက်ကြားနှုတ်ပလီ
တောင်ခြေနားက ခရေပန်း
ပင်အောက်ကြိုက်လို့လန်း
သွားကောက်ချေစို့ မောင်လေးရေ
ဘမ်းလေးယူခဲ့ ကွယ်
ပန်းသည်လုပ်ဖို့ တပြုံးပြုံး
ပန်းတွေတကုံးကုံး”ဆိုတဲ့ ပန်းကောက်ကဗျာလေးတွေ မောင်နှမ အတူ ရွတ်ဆိုရင်း ပန်းကောက်ကြသည်လေ။(ခြံဝန်းထဲ ခရေပန်းပင်မရှိပေမယ့် ၀န်းကျင်ပတ်ပတ်လည်လည် တွင်စိုက်ပျိုးထားတဲ့ ကလပ်စင်္ကြာပန်းဖြူလေးတွေကို ခူးရသည်ပေါ့)။



နောက်တပုဒ်က-
“ ကြာဖြူကြာနီကြာညိုနှောလို့
တို့လယ်တောမှာပွင့်ကြတယ်
ကောက်စိုက်အပြန်
ရေကန်ကြီးက ကြာတစည်းလောက်ချိုးခဲ့ကွယ်
ကြာပွင့်ကြာငုံထုံထုံမွှေးကို မလေးဘယ်လို ကုံးပါ့မယ်
ကြာရိုးကြာနွယ် ဘယ်ညာဆက်လို့ ရွှေကြာဆစ်ကြိုးဆွဲပါ့မယ်
ဆွဲပါ့မယ်….” ကောက်စိုက်အပြန် ခလေးကဗျာလေးကလည်း သံစဉ်သွင်း သီဆိုမိတိုင်း ငယ်စဉ်က မိသားစုမောင်နှမ-အတူနေဘ၀-ပျော်စရာခလေးဘ၀ကို ပြန်ပြီးမြင်ယောင်မိသည်လေ။

အခြေခံကျောင်းသားဘ၀နေစဉ်အတွင်း ကျောင်းမှ သင်ပေးသော ကဗျာလေးများကို လည်း-စာအုပ်လေးတွေနှင့် စုဆောင်းပြီး အားတဲ့ချိန်တွေမှာရွတ်ဆ်ိုခဲ့သည်လေ..။ချစ်စရာကောင်းသောကျောင်းသားဘ၀ တာဝန်လေးနှင့် ဆရာမကိုနှုတ်ခွန်းဆက်တဲ့ကလေးကဗျာလေးတပုဒ်ကို အခုထိမှတ်မိနေသေးသည်..။
“ အ၀တ်အစားလဲလို့ ပြီးရင်ကွယ်…
လွယ်အိတ်ကိုလွယ်
ကျောင်းကိုကွယ်
ဝတ္တရားများလည်း မပျက်ရတကယ်
ကြိုးစားလို့သွားကာ-စာသင်မယ်..
တို့ကျောင်းဝသို့ ရောက်ရင်ကွယ်
စည်းကမ်းကိုတကယ် လိုက်နာမယ်
သူငယ်ချင်းများနှင့်တွေ့တော့ကွယ်
အပြုံးပန်းနှင့်နှုတ်ဆက်ကာကြိုဆိုမယ်..
ရွှင်ရွှင်လန်းလန်း ပန်းသို့နှယ်
ဆရာမမျက်နှာ ကြည်လင်တယ်
ဘ၀င်မှာအေးချမ်းလို့လန်းရတယ်
တို့ကျောင်းရိပ်သာ ပျော်စရာကွယ်….”စသဖြင့် မြူးမြူးကြွကြွနှင့်သီဆိုဖို့ကောင်းပြီး ကိုယ်စိတ်ရွှင်လန်းဖွယ်ကောင်းသော ပျော်စရာကျောင်းသားဘ၀ ကဗျာလေးပင်ဖြစ်သည်လေ…။


စာရေးသူ အခုထိ ငယ်ဘ၀ အလွမ်းပြေ ရွတ်ဆိုလေ့ရှိတဲ့ ကဗျာတပုဒ်ရှိသည်။တနင်္သာရီမှာနေထိုင်စဉ် ကာလအတွင်း တနင်္သာရီတောင်စဉ်တလျှောက် စာကလေးသစ်ခွလက်တံရှည်ပန်းများဝေဆာတဲ့ နွေဦးပေါက်ချိန်လေးကို လွမ်းမိတယ်ဗျ..။သင်းပျံ့နေတဲ့ ပန်းရနံ့လေးတွေရယ်- နွေဦးပေါက်လေပြေနုနုလေးတွေရယ်- တိုးညှင်းညင်သာစွာကြားနေရတဲ့ စာကလေးငှက်သံလေးတွေရယ်-လွမ်းမောဖွယ်ကောင်းတဲ့ ဥသြငှက်သံလေးတွေရယ်-ပြန်ခံစားနားစွင့်ချင်မိပါရဲ့..။သည်အချိန်လေးအတွင်း ကလေးကဗျာသီချင်းလေးဖြစ်တဲ့ စာကလေးကဗျာလေးကို ရွတ်ဆိုလိုက်ရရင် စိတ်ကိုယ်ပင်ပန်းသမျှ လန်းဆန်းတက်ကြွလာတာတော့အမှန်ပါပဲ..။

“စာငယ်ကိုယ်တယောက်တည်းလေ
သစ်ကိုင်းထက်မှာနေ
တာဝန်တယောက်မို့ အမြဲမသွေ
တေးသီချင်းဖွဲ့ဆိုနေ
မြင်ပါကိုယ့်ရဲ့အလှကိုလေ
လွမ်းသမားများအတွက်တေးဆိုနေ
စာလေးကိုယ်တယောက်ဟာလေ
တေးဆိုပေးလို့နေ..”

“I ‘m little sparrow
Sitting on the tree.

Every day my duty
Singing melody

Can you see my beauty
Singing for the lonely.

I ‘m little sparrow
Singing melody.”
ထိုစာကလေး ( Little Sparrow) ခလေးကဗျာကို စာရေးသူ ရွတ်ဆိုခဲ့တာကြာပေမယ့် ကဗျာပိုင်ရှင်ကို အခုမှ သိခွင့်ရခဲ့သည်။ ရေးဖွဲ့ သူက ဆရာအတတ်သင်ကျောင်းမှ ဆရာကြီးတင်ချိုဦးမှ ရေးဖွဲ့ပြီး သရုပ်ဆောင်-၀င်းဦးနှင့် တေးသံရှင် နွဲ့ယဉ်ဝင်းတို့က မြန်မာအင်္ဂလိပ် တလှည့်စီသီဆို ခဲ့ကြသည်။ ဘာပဲဖြစ်ဖြစ် -စာရေးသူက ငယ်စဉ်ကတည်းက ယနေ့အထိမမေ့နိုင်ဘဲ အမြဲလန်းဆန်းရှင်သန်နေတဲ့ ကဗျာလေးမို့ အမြဲအမှတ်တရဖြစ်နေမှာပါ..။စာကလေး တွေရဲ့ အလှ-ဘ၀ကို ကိုယ်တိုင်ခံစားရင်း ပျော်စရာနေ့ရက်လေးတွေအတွက် ရှင်သန်နေစေတဲ့ကဗျာလေးမို့ မနှစ်နွေရာသီမှာ အမှတ်တရအနေဖြင့် ရုရှားလို ဘာသာပြန်ပြီး ရုရှားဘာသာစကားဒီပလိုမာပေးအပ်ဘွဲ့မှာ
စာရေးသူရွတ်ဆိုဖြစ်သေးသည်လေ…။


маленький воробей

Я маленький воробей
сижу на дереве.
Каждый день я пою
Это - мой долг.

Вы можете видеть мою красоту?
Я пою для одиноких.
Я маленький воробей
Пою мелодии.
НВЕ ШВАН У
(2008-2009)
(အမှတ်တရအနေဖြင့်ဖော်ပြလိုက်ခြင်းသာဖြစ်သည်။)


ဘယ်လိုပဲဖြစ်ဖြစ်-ဘယ်အခြေအနေရောက်ရောက်-စာရေးသူရဲ့ ကိုယ်စိတ်နှစ်ဖြာ ရွှင်လန်းတက်ကြွစေနေဦးမည့် ဘ၀အမောပြေ ကဗျာတွေကတော့ ကလေးဘ၀က သီဆိုခဲ့တဲ့ ချစ်စရာကောင်းသော ကလေးကဗျာလေးတွေပါပဲ…။ စာရေးသူအတွက်တော့ အပြစ်ကင်းတဲ့ ကလေးဘ၀ကြိုပန်မရတော့ပေမယ့်လည်း ရင်ထဲမှာတော့ ကလေးကဗျာမြစ်တစ်စင်းကတော့ အမြဲအမှတ်တရ ရှင်သန်စီးဆင်းနေမှာပါလေ..။


ရွှမ်းသိင်္ဃ(တနင်္သာရီ)

(အဆွေတို့မှာလည်း အမှတ်တရဖြစ်ဖွယ် ကလေးဘ၀ကဗျာလေးတွေရှိရင် မျှဝေခံစားကြတာပေါ့…။)