အတင်းတကယ် တကျော့ကျော့
သတင်းကြွယ် လွတ်နေကြတဲ့
(အရပ်ထဲမှာလေ...)
အဖျင်းကွယ် ရွတ်ခဲ့သမျှ
အခုတော့..သီတင်းလည်း ကျွတ်လေပြီ...။
တစ်ပူ နှစ်ပူ ဆင့်လာသမျှ
(တူ တူမတွေ အလယ်မှာလေ)
ကလူ ကမြူ ဖြစ်ပျက်ခဲ့ရပြီ..။
ရက်လနှစ်တွေ ရှိပါစေတော့
တစ်သက်မက ချစ်တစ်လှေဝေလို့
လှစ်ဟ ချစ်ဂဟေ ဆက်စို့ကွဲ့
အပြစ်ခြွေလျက် ချစ်ပိုမို
ကျူထိုထို တဲစုတ်ထဲ လုံးထပ် နေရ နေရ
တူနှစ်ကိုယ် ပဲပြုတ်ဆွဲ သုံးနပ် စားရ စားရ
လူပျို အပျို ဘ၀ ဒုက္ခပွဲကိုလေ အဆုံးသတ်ချင်ပြီ..။
လောကီရေးရာ အဖြာဖြာမှာဖြင့်
တောမှီတွေးကာ ဘာဝနာကိုလည်း
အခါခါ သတိချပ်မိပြန်တော့
တဏှာ တဏှာ အရှိ တတ်သိရင်
စာ ကဗျာ မငြိ ပြတ်မိပါလိမ့်
ကပ်ငြိ အချစ်ဇောငယ်က
တစ်သက်မှာ တခါ ကျော့မော့လာသမို့
မပျက်စွာ ဒီဝါ ကျွတ်မှာတော့
အပြစ်ဖဲ့ တစ်ယောက်စကားရယ်ကြောင့်
အချစ်မဲ့ ဖောက်ပြား မတွေးဘဲ
(လူကွယ်ရင်လေ)
လစ်ခဲ့.... နှစ်ယောက်သား မဝေးရအောင်
အချစ်တွေ ပိုတိုးပေးဖို့
ခိုးပြေးစို့လေး...။
ရွှမ်းသိင်္ဃ (တနင်္သာရီ)
(၂၇-၁၀-၂၀၁၃)
(ကဗျာချစ်သူ လူပျိုကြီး အပျိုကြီးများအတွက် ၀ါကျွတ်ဟာသကဗျာ)
0 comments:
Post a Comment