ကောင်းကင်ကို လှမ်းတက်
ကြယ်ပွင့်ကို တစ်လုံးပြီး တစ်လုံး
ခြွေချင်သူ....။
ကောင်းကင် အောက်မှာပဲ
ကြယ် တစ်ပွင့် ပြီး တစ်ပွင့်
ကြွေကောက်ချင်သူ...။
ကောင်းကင်ကို မော်ကြည့်
ကြယ် မှိတ် တမှိတ်ကို
စိတ်ကူးနှင့် ရေချင်သူ...။
ကောင်းကင် အသင်္ချေ
မျှော်လင့်ချက်တွေ အသင်္ချေ
ကြယ်ရောင် အိပ်မက်တပွေ့ တပိုက်နှင့်
တိမ်လွှာ တိမ်စိုင်ကြား
လူးလွန့် ကချင်သူ.....။
တမိုးသားအောက်
ကြယ်တွေ ကောက်ကောက်
ကြယ်တွေ ခြွေခြွေ
ကြယ်တွေ ရေရေ
တစ်နေ့ တော့လည်း...
ကြယ်ရောင်တွေအကြား....
ပိုလင်းချင်လည်း လင်းမယ်
ပိုမှိန်ချင်လည်း မှိန်မယ်..
သေချာတာက..
မြေလွှာမှာ ခြေရာ ဖျောက်
တိမ်လွှာနောက်က
ကိုယ်တိုင် ကြယ်တစ်လုံးအဖြစ်
အငွေ့ ပျံခွင့်တော့ရှိတယ်...။
ရွှမ်းသိင်္ဃ(တနင်္သာရီ)
(၁၁- ၃-၂၀၁၂)
0 comments:
Post a Comment