သင်္ကြန်မိုးတဖြောက်မှာဖြင့်
ပိတောက်တွေ ရွှေရည်လူး
ပွင့်ဖူးတဲ့ အခါမီ
ရာသီရယ် မိဿ
စိတြကြယ် တင့်ထူးတဲ့
လမြတ်ရယ် သည်တန်ခူး..။
ပြာရီမယ် ဖျော့တော့တော့နှင့်
တကျော့ကျော့
တလီလီ တချီချီ
တသီသီ တသွဲ့ သွဲ့
တလဲ့လဲ့ တလိမ်နှစ်လိမ်
နွေတိမ်ရောင် စုံညီရောယှက်ချိန်
ထုံကြည်သွန်းပက် ရေနံ့ သာနှင့်
ဆွေသဟာတို့ ပြုံးပျော်မြူး
မြန်မာ့သင်္ကြန်ဦး...။
သစ်ကိုင်း ရွက်တလျှောက်မှာဖြင့်
နှစ်တိုင်း ချစ်ပျောက်ရှာတဲ့
အစဉ်သာ နှုတ်ခွန်းချိုသပါတဲ့
ဥသြပျို အလှဖွဲ့
လွမ်းတေးတွန်သံကျူး..။
လမ်းတလျှောက်မှာဖြင့်
တူးပို့ တူးပို့ သံနှင့်
မြူးစို့ မြူးစို့ ဟန်ပြင်
အမှန်ဘ၀င်ကြည် ယိမ်းသမ အကရယ်က
သံစဉ်ညီ အသွင်ထူးပါတဲ့
သြော်.. မြန်မာ့နှစ်သစ်ကူး..။
ရွှမ်းသိင်္ဃ (တနင်္သာရီ)
(၃၁-၃-၂၀၁၂)
0 comments:
Post a Comment