Дождь (မိုးစက်ပွင့်)

* Дождь мягко на её лице,

Принимает её магическое место.

* Дожь тихо в её волосах.

Давайте её души плавать по возду.

* Дожь губам,

Дайте ей дыхание жизни маленкими глотками.

* Дождь тихо с неба,

Давайте ей понять , что небо,где добрые души летят.

НВЕ ШВАН У
( 18 -10 - 2009)
(РХТУ - Москва)

သည်ကဗျာလေးကို မရေးတော့ဘူးလို့ စိတ်ကူးထားပေမယ့် မော်စကို အမှတ်တရထဲက တစ်ခုဖြစ်သောကြောင့် မျှဝေခံစားလိုက်ပါတယ်..။ ဤကဗျာကို စာရေးသူ မော်စကိုစရောက်တဲ့ နှစ်- ဆောင်းဦးပေါက်ရာသီမှာ ရေးဖွဲ့ထားခြင်းသာဖြစ်သည်..။ မော်စကို ဆောင်းဦးရာသီတွင် မိုးစက်လည်းကြွေ သစ်ရွက်ကြွေမို့ လှလည်းလှ စိတ်လည်းစိတ်ညစ်ရတဲ့ ရာသီလို့ပြောရပေမည်..။ ရာသီအကြောင်းပြောရရင်တော့ လိုတဲ့ခရီးရောက်မည်မဟုတ်ပါ..။ အမှတ်တရဖြစ်ရပ်လေးကို လှည့်ကြဦးစို့ရဲ့..။ တစ်နေ့စာရေးသူနှင့် ညီငယ် တစ်ယောက်အတူ ကျောင်းကအပြန် နာဘာစလာဘော့စကားရား ဘူတာတစ်နေရာမှာ အံ့သြစရာဖြစ်ပျက်လေးကြုံခဲ့ရသည်..။ ပြောရင်တော့ယုံစရာတစ်စက်မှမရှိမှန်းသိပါသည်..။
မယုံလည်း အမှတ်တရတစ်ခုဖြစ်သည်မို့ ပြောပြပေမည်..။ စာရေးသူ ကျောင်းနေဖက် သူငယ်ချင်းမိန်းခလေးတစ်ယောက်နှင့် တူတဲ့ ရုရှားအမျိုးသမီးကို တွေ့လိုက်ရသည်..။အနက်ရောင် ဆံနွယ်က ကျောလယ်ထိ ချထားပြီး စီးကွင်းထိုးပန်းပွင့်လေးတွေပါတဲ့ အနက်ရောင် အင်္ကျီနှင့် စကတ်ကားကား ကို လိုက်ဖက်စွာဝတ်ထားသည်ကိုတွေ့ရသည်..။ မျက်ခုံးနှင့် နှုတ်ခမ်းကအစ မြန်မာတစ်ယောက်နှင့်တူသည်..။ သိမ်မွေ့ပြီး ပြုံးနေသယောင် မျက်နှာထားဖြင့် ယဉ်ယဉ်လေးနှင့် အရမ်းလှနေသည်..။ စာရေးသူ အမြင်လွှဲနေတာလား- အိပ်မက်လား-လို့ တွေးထင်မိသဖြင့် နံဘေးက ပါလာတဲ့ ညီငယ်ကို လက်တို့ပြီးပြမိသည်..။အကယ်၍သာ စာရေးသူ သူငယ်ချင်းမိန်းခလေးသာ သည်လောကမှာရှိနေသေးရင် ထိုရုရှားအမျိုးသမီးကို သူငယ်ချင်းမိန်းခလေးအထင်နှင့် သွားနှုတ်ဆက်မိမှာအမှန်ပင်..။ဘာပဲပြောပြော လောကကြီးမှာ နာမည်တူ လူတူ မရှားတဲ့ ဖြစ်ရပ်လေးတွေ ရှိနေသေးတယ်ဆိုတာ ဒီအမှတ်တရလေးနှင့် ယုံကြည်လိုက်ပါပြီ..။
သည်ဖြစ်ရပ်ကို အကြောင်းပြု၍ မိုးစက်လေးတွေနှင့်အတူ အမှတ်တရကြုံခဲ့ရတာမို့ မိုးစက်ပွင့် လို့ အမည်ပေးပြီး ကဗျာလေးရေးဖြစ်ခဲ့သည်ပေါ့။မိုးစက်လေးကို တိုင်တည်ထားတဲ့ပုံစံနှင့်ရေးထားတာပါ..။

" မိုးစက်လေးတို့ရေ.. သူမ ပါးပြင်ပေါ် ညင်သာစွာဆင်းသက်လျှောက်လှမ်းပါ။
သူမရဲ့ ၀ိညာဉ်ကို မှော်ဆန်တဲ့ နေရာ တစ်ခုဆီ ခေါ်ဆောင်ပေးပါ..။
မိုးစက်လေးတို့ရေ.. သူမ ရဲ့ ဆံနွယ်လေးတွေဆီ တိတ်ဆိတ်စွာဆင်းသက်ကြွေကျပါ..။
သူမရဲ့ ၀ိညာဉ်ကို လေထဲမှာ စီးမျှောခွင့်ပေးလိုက်ပါ..
မိုးစက်လေးတို့ရေ..သူမရဲ့နှုတ်ခမ်းဖျားလေးဆီ သွန်းဖျန်းပေးပါ..
သူမကို တခဏမျှ ပြန်လည်ရှင်သန်ခွင့်လေး ပေးလိုက်ပါလား..
သူမကို ကောင်းကင်ဘုံ တနေရာကို ခေါ်ဆောင်ပြီး အသက်ဝိဥာဉ်ကို ပျံသန်းခွင့်ပြုပါလေ.."
ကဗျာဆန်ဆန်တွေးနေပေမယ့် အရွယ်မတိုင်မီ ကြွေလွင့်သွားတဲ့ သူငယ်ချင်းတစ်ယောက် ကောင်းရာဘုံဘ၀ကို ရောက်ရှိစေရန် ရည်ရွယ်ရင်း သည်ကဗျာလေးကို ဖန်တီးလိုက်ပါတယ်..။ မော်စကိုရောက် ခံစားမှုရသနှင့် အမှတ်တရ ဖြစ်ရပ်လေးမို့ ကဗျာအမှားပါရင်လည်း ပြင်ဆင်ဖတ်ရှုပေးပါရန် မေတ္တာရပ်ခံပါတယ်..။
အမှတ်တရ-
ရွှမ်းသိင်္ဃ(တနင်္သာရီ)
(MUCTR - MOSCOW)
(၁၈- ၁၀- ၂၀၀၉)

(ကဗျာချစ်သူတို့ မိုးစက်လေးတွေနှင့်အတူ အမှတ်တရ ကဗျာတွေ ဖန်တီးခွင့်ရပါစေ...။)